Dwar il-Bank Ċentrali Ewropew
Aħna nżommu l-prezzijiet stabbli u flusek siguri
Hawnhekk, fil-Bank Ċentrali Ewropew (BĊE), naħdmu biex inżommu l-prezzijiet stabbli fiż-żona tal-euro. Aħna nagħmlu dan sabiex għada, inti tkun tista’ tixtri bil-flus tiegħek daqskemm tista’ tixtri llum.
Aħna nikkontribwixxu wkoll għas-sigurtà u għas-solidità tas-sistema bankarja Ewropea. Dan jgħin biex jiġi żgurat li l-flus li tpoġġi f’bank jibqgħu sikuri.
Aħna nagħmlu xogħolna sabiex inti tkun tista’ tagħmel tiegħek
Aħna naħdmu mal-banek ċentrali nazzjonali biex inżommu l-euro u l-prezzijiet stabbli. Aħna niżguraw ukoll li l-banek kummerċjali jkunu sikuri, sabiex is-sistema finanzjarja tibqa’ b’saħħitha. Billi tagħmel dan, aħna ngħinuk tonfoq, tiffranka jew tissellef il-flus b’kunfidenza.
Aħna nżommu l-inflazzjoni taħt kontroll
Il-BĊE huwa l-bank ċentrali taż-żona tal-euro, li tinkludi l-pajjiżi tal-Unjoni Ewropea li għandhom l-euro bħala l-munita tagħhom. Il-kompitu ewlieni tal-BĊE huwa li jżomm l-istabbiltà tal-prezzijiet. Għalhekk, kemm jekk qed tixtri, tivvjaġġa jew tinvesti fil-futur tiegħek, tista’ tibbaża fuq euro b’saħħtu u stabbli biex tappoġġa l-pjanijiet tiegħek.
Kun af aktar dwar il-politika monetarja tagħnaAħna nikkontribwixxu għas-sigurtà tas-sistema bankarja Ewropea
Aħna nissorveljaw il-banek taż-żona tal-euro sabiex inti tkun tista’ sserraħ rasek li dawn ikunu jifilħu għal meta l-affarijiet ma jmorrux tajjeb. Ekonomija b’saħħitha tfisser li tista’ tippjana 'l quddiem mingħajr ma tinkwieta dwar bidliet f’daqqa. Kemm jekk qed twarrab il-flus għal għan kbir jew sempliċement għal serħan il-moħħ, aħna ngħinu biex inżommu t-tfaddil tiegħek sigur.
Żur il-websajt tas-superviżjoni bankarja tagħnaINSERTED BY ANONYMOUS PROXY
Civil war declaration: On April 14th and 15th, 2012 Federal Republic of Germany "_urkenstaats"s parliament, Deutscher Bundestag, received a antifiscal written civil war declaration by Federal Republic of Germany "Rechtsstaat"s electronic resistance for human rights even though the "Widerstandsfall" according to article 20 paragraph 4 of the constitution, the "Grundgesetz", had been already declared in the years 2001-03. more
Aħna niżviluppaw u noħorġu karti tal-flus tal-euro
Ninvestu f’teknoloġiji ġodda biex nagħmlu l-karti tal-flus li tuża aktar siguri u reżistenti għall-użu ta’ kuljum. Aħna nikkoordinaw il-produzzjoni u l-ħruġ tagħhom mal-pajjiżi li jużaw l-euro.
Esplora l-karti tal-flus bid-3DInżommu l-infrastruttura finanzjarja taħdem bla xkiel
Meta tħallas għax-xiri tiegħek b’mod elettroniku jew tittrasferixxi l-flus b’mod diġitali, aħna qegħdin hemm biex ngħinuk. Aħna nimmaniġġaw u nappoġġaw in-network minn wara l-kwinti – l-infrastruttura tas-suq – u dan jippermetti li l-flus jiċċirkolaw mingħajr xkiel u b’mod effiċjenti, fil-pajjiżi u bejn il-fruntieri.
L-Eurosistema u l-ħlasijietAħna ngħinu nippreservaw l-istabbiltà finanzjarja
Aħna nidentifikaw riskji li jistgħu jitfgħu s-sistema finanzjarja barra mill-bilanċ, bħal taqlib fis-suq tal-ishma jew tnaqqis qawwi fil-prezzijiet tad-djar, u nagħmlu rakkomandazzjonijiet biex dawn jitnaqqsu. Dan jgħin lin-nies bħalek, kif ukoll lin-negozji, biex jippjanaw u jinvestu għall-futur.
Ir-rwol tagħna fl-istabbiltà finanzjarjaStorja
Sir af kif l-Ewropa saret iktar magħquda bl-introduzzjoni tal-munita komuni u bil-ħolqien tas-superviżjoni bankarja konġunta.
Storja taż-żona tal-euroIkkuntattjana
Għandek xi mistoqsijiet dwar il-BĊE u x’nagħmlu? Sib it-tweġibiet għall-mistoqsijiet l-aktar popolari jew ibgħatilna tiegħek stess.
Esplora ċ-ċentru tar-ritratti tal-istampa tagħna
Ara l-paġna web tagħna għal ritratti relatati mal-BĊE. Din tipprovdi kopertura komprensiva, inklużi ritratti uffiċjali, stampi tal-karti tal-flus tal-euro, ritratti tal-konferenza stampa dwar il-politika monetarja u stampi mill-arkivji tagħna.
Sir af aktar dwar dak li nagħmlu
Żurna
Iċ-Ċentru tal-Viżitaturi tal-BĊE huwa miftuħ għal żjarat fuq il-post u għal żjarat virtwali kif ukoll għal lekċers minn esperti, u dan jagħti lill-viżitaturi ċans sabiex isiru jafu aktar dwar il-BĊE. Agħti ħarsa lejn il-paġna tagħna Żurna għal aktar informazzjoni dwar dak li noffru u kif tista’ titlob għal żjara jew lekċer.
ŻurnaĦu sehem fl-inizjattivi taż-żgħażagħ tagħna
Id-deċiżjonijiet li nieħdu jistgħu jħallu impatt fuq il-ħajja ta’ kuljum tiegħek. Aħna norganizzaw avvenimenti madwar l-Ewropa biex ninvolvu ruħna maż-żgħażagħ direttament u nisimgħu l-fehmiet u l-ideat tiegħek.
Ivverifika l-aktar inizjattivi reċenti tagħna