Ráiteas príobháideachais do shuíomhanna gréasáin an Bhainc Ceannais Eorpaigh

Tá an Banc Ceannais Eorpach (BCE) tiomanta do phríobháideachas úsáideoirí. Ní phróiseálann sé do shonraí pearsanta ach amháin chun na gcríoch a bhfuil cur síos orthu thíos; ní nochtann sé iad chun críocha margaíochta.

Baineann an ráiteas príobháideachais seo le gach suíomh gréasáin a fhoilsímid agus a chuirimid ar fáil ar an idirlíon faoi:

Déantar an fhaisnéis phearsanta uile a phróiseáil i gcomhréir le dlí an Aontais Eorpaigh maidir le cosaint sonraí agus le rialacha slándála agus rúndachta teicneolaíochta faisnéise (TF) BCE.

Cad é ár gcreat dlíthiúil?

Déantar na sonraí pearsanta uile a phróiseáil i gcomhréir le dlí infheidhme an Aontais Eorpaigh maidir le cosaint sonraí, go háirithe Rialachán (AE) 2018/1725 (‘EUDPR’).

Cén fáth a bpróiseálaimid sonraí pearsanta?

Déantar sonraí pearsanta a phróiseáil chun súil a choinneáil ar líon na gcuairteanna agus na gcuairteoirí ar chodanna éagsúla den suíomh gréasáin, chun trácht cuairteoirí a bhainistiú agus chun feidhmiúlacht agus inúsáidteacht a fheabhsú. Cé go mbailímid faisnéis áirithe (mar sheoltaí IP agus sonraí logála isteach) chun ár seirbhísí a sholáthar agus a dhaingniú, ní úsáidimid na sonraí seo chun cuairteoirí aonair a aithint go pearsanta.

Déantar sonraí pearsanta a phróiseáil freisin chun críocha cothabhála, feidhmíochta agus slándála. Tá cuid den fhaisnéis ábhartha do shlándáil theicniúil ár suíomh gréasáin. Tá Myra Security GmbH, ar soláthraí slándála TF é atá lonnaithe sa Ghearmáin, freagrach as catagóirí teoranta sonraí pearsanta a phróiseáil (e.g. seoltaí IP). Tá sé seo riachtanach do shlándáil theicniúil ár láithreán gréasáin.

Is féidir faisnéis níos mionsonraithe faoi pholasaí príobháideachais Myra Security GmbH a fháil ar shuíomh gréasáin Myra Security GmbH.

Cad é an bunús dlí atá le do shonraí pearsanta a phróiseáil?

Déanaimid do shonraí pearsanta a phróiseáil toisc gur thoiligh tú leis an bpróiseáil sin trí ghlacadh le fianáin an tsuímh gréasáin seo, i gcomhréir le hAirteagal 5(1)(d) EUDPR, chun na gcríoch a bhfuil cur síos orthu thuas. Féadfaidh tú do thoiliú a tharraingt siar tráth ar bith trí do shainroghanna fianán a athrú ar ár leathanach polasaí fianán. Cuirfear stop le próiseáil do chuid faisnéise pearsanta a luaithe a tharraingeoidh tú siar do thoiliú; mar sin féin, leanfaidh aon phróiseáil a rinneadh cheana de bheith dleathach. Thairis sin, cuirfear tús le próiseáil sonraí arís má thoilíonn tú leis arís amach anseo.

Cé atá freagrach as do shonraí pearsanta a phróiseáil?

Is é an Banc Ceannais Eorpach an rialaitheoir maidir le próiseáil do shonraí pearsanta. Is í an Rannóg Dearaidh agus Digiteach agus an Rannóg um Chumarsáid Straitéiseach in Ard-Stiúrthóireacht na Cumarsáide, agus foireann tacaíochta MYRA BCE in Ard-Stiúrthóireacht na gCóras Faisnéise, atá freagrach as an bpróiseáil sin.

Cé hiad faighteoirí do shonraí pearsanta?

Is iad seo a leanas faighteoirí do shonraí pearsanta (lena n-áirítear eintitis a bhfuil rochtain acu ar na sonraí pearsanta sin):

• Piano Analytics: Tugann Piano Analytics léargas domhain don Bhanc Ceannais Eorpaigh ar iompar úsáideoirí ar fud ardáin dhigiteacha, amhail suíomhanna gréasáin, aipeanna móibíleacha, agus pointí tadhaill digiteacha eile. Díríonn sé ar idirghníomhaíochtaí custaiméirí a rianú agus a anailísiú, ag cur ar chumas an Bhainc Ceannais Eorpaigh cinntí sonraí-tiomáinte a dhéanamh atá dírithe ar eispéireas an úsáideora a bharrfheabhsú, rannpháirtíocht a threisiú, agus dlús a chur le fás gnó.
• Myra Security GmbH: Is ardán scamall-bhunaithe é Myra atá deartha chun slándáil dhigiteach, feidhmíocht agus iontaofacht do shuíomhanna gréasáin, feidhmchláir agus líonraí a fheabhsú. Díríonn sé ar shócmhainní digiteacha a chosaint ar chibearbhagairtí, feidhmíocht gréasáin a bharrfheabhsú, agus ard-infhaighteacht a chinntiú, go háirithe do ghnólachtaí a bhfuil ardriachtanais tráchta agus slándála acu.
• Baill foirne BCE in Ard-Stiúrthóireacht na Cumarsáide agus in Ard-Stiúrthóireacht na gCóras Faisnéise; go sonrach, is chun críocha slándála amháin a úsáidtear an fhaisnéis a bhailíonn Ard-Stiúrthóireacht na gCóras Faisnéise. Is é an t-aon raon feidhme atá ag na sonraí a bhailíonn Ard-Stiúrthóireacht na Cumarsáide ná feabhas a chur ar fheidhmíocht na suíomhanna gréasáin.

Cad iad na catagóirí sonraí pearsanta a bhailítear?

Fianáin

Úsáideann ár suíomh gréasáin fianáin fheidhmiúla, anailíse agus tríú páirtí.

Úsáidtear fianáin fheidhmiúla chun roghanna úsáideora a stóráil, mar shampla roghnú teanga, chun eispéireas an úsáideora a fheabhsú. Bailíonn fianáin feidhmíochta faisnéis faoin gcaoi a n-úsáideann tú ár suíomh gréasáin agus cabhraíonn siad linn, mar shampla, tuiscint a fháil ar leasanna ár n-úsáideoirí agus éifeachtacht ár gcumarsáidí a thomhas. Ar deireadh, socraíonn seirbhísí tríú páirtí atá comhtháite sa suíomh gréasáin fianáin tríú páirtí.

Is ar mhaithe le heispéireas brabhsála níos fearr a thairiscint duit é sin.

Chun níos mó a fhoghlaim faoi fhianáin agus faoin gcúis a mbailímid iad, léigh ár bpolasaí fianán.

Faisnéis logála

Déanann freastalaithe taifead uathoibríoch ar fhaisnéis a sheolann do bhrabhsálaí aon uair a thugann tú cuairt ar shuíomh gréasáin. Ní úsáidtear na sonraí seo chun críocha feidhmíochta (m.sh. eispéireas an úsáideora agus feidhmíocht an láithreáin ghréasáin a fheabhsú). Ní úsáidtear na sonraí seo ach amháin i gcás teagmhais slándála nó le haghaidh fabhtcheartaithe ach i gcónaí tar éis iarratas ó úsáideoir. D’fhéadfadh faisnéis amhail dáta agus am do chuairte, do sheoladh IP, do chineál brabhsálaí, teanga an bhrabhsálaí, méid scáileán an bhrabhsálaí, agus fianán amháin nó níos mó a aithníonn do bhrabhsálaí a bheith san áireamh sna logaí freastalaithe seo. Stóráiltear logaí den sórt sin ar feadh deich mí ar a mhéad agus scriostar ansin iad.

Faisnéis phearsanta a chuirtear in iúl tríd an suíomh gréasáin nó trí ríomhphost

Ní bhaileoimid sonraí pearsanta breise ach amháin le toiliú sonrach ón úsáideoir chun catagóirí breise a phróiseáil, mar shampla seoladh ríomhphoist más mian leat clárú le liosta seoltaí. Tá faisnéis faoi shonraí pearsanta a bhailímid trí fhoirmeacha síntiúis agus ráitis phríobháideachais thiomnaithe ar fáil ar leathanaigh ábhartha an tsuímh gréasáin.

An bpróiseálfar do shonraí pearsanta (i bhfoirm shoiléir nó chriptithe) i dtríú tíortha nó ag eagraíochtaí idirnáisiúnta (e.g. an ndéanfar iad a aistriú, a rochtain nó a stóráil)?

Ní fheictear dúinn go mbeidh aon aistrithe á ndéanamh ar do shonraí pearsanta chuig tríú tíortha ná chuig eagraíochtaí idirnáisiúnta. D’fhéadfaí áfach, ar bhonn eisceachtúil, do shonraí pearsanta a phróiseáil i dtríú tíortha nó d'fhéadfadh eagraíochtaí idirnáisiúnta iad a phróiseáil ar bhonn na maoluithe i gcásanna sonracha a leagtar amach in Airteagal 50(1) EUDPR.

Cé chomh fada a choinneoimid sonraí pearsanta?

Stórálfar do shonraí pearsanta ar feadh 14 mhí ar a mhéad (ag tosú ón nóiméad a bhailítear na sonraí) sula scriosfar iad.

Cad iad na cearta atá agat?

Tá sé de cheart agat rochtain a fháil ar do shonraí pearsanta agus aon sonraí atá míchruinn nó neamhiomlán a cheartú. Tá sé de cheart agat freisin (le roinnt teorainneacha) do shonraí pearsanta a scriosadh agus agóid a dhéanamh i gcoinne phróiseáil do shonraí pearsanta nó srian a chur lena bpróiseáil i gcomhréir le EUDPR. Féadfaidh an Banc Ceannais Eorpach srian a chur le do chearta chun na leasanna agus na cuspóirí dá dtagraítear in Airteagal 25(1) EUDPR a chosaint.

Cé leis ar féidir leat teagmháil a dhéanamh maidir le ceisteanna nó iarrataí?

Is féidir leat do chearta a fheidhmiú ach teagmháil a dhéanamh leis an bhfoireann Anailísíochta Cumarsáide Straitéisí agus Taighde ag stcanalytics@ecb.europa.eu.

Is féidir leat teagmháil dhíreach a dhéanamh freisin le hOifigeach Cosanta Sonraí an Bhainc Ceannais Eorpaigh ag dpo@ecb.europa.eu maidir le gach ceist a bhaineann le do shonraí pearsanta.

Teagmháil a dhéanamh leis an Maoirseoir Eorpach ar Chosaint Sonraí

Má mheasann tú gur sáraíodh do chearta faoi EUDPR mar thoradh ar phróiseáil do shonraí pearsanta, tá sé de cheart agat gearán a chur faoi bhráid an Mhaoirseora Eorpaigh ar Chosaint Sonraí tráth ar bith.